Está aberto o prazo para a inscrición na “Aula de alfabetización de imaxe“, este curso organizado pola S.C.D Raxó en colaboración co Concello de Poio (Concellaría de Cultura) está dirixido a todos os públicos, non necesariamente a persoas con coñecementos de fotografía ou edición de imaxes e nel poderás aprender os fundamentos para o mellor aproveitamento da túa cámara compacta ou réflex.

Se xa tes coñecementos de fotografía ou edición de imaxes poderás seguir afondando no fascinante mundo da fotografía (dixital ou analóxica) pois esta aula está pensada para que cada un adquira coñecementos no campo que máis lle interese.

O curso dará comezo no momento en que se acaden polo menos oito inscritos e impartirase na aula de informática do Centro Cultural Xaime Illa.O prezo deste curso é de 40€/mes e poderás ir o tempo que estimes oportuno.

Se queres máis información ou inscribirte podes:

• Chamar ao teléfono 986 770 001 (Concello de Poio)
• Escribir a info@raxocultural.org ou cultura@concellopoio.org
• Pasar pola biblioteca do Centro Cultural Xaime Illa
• Comentar na nosa páxina en Facebook

Agardámoste 😉